اسلام آباد: (دنیا نیوز) پاکستان تحریک انصاف نے الیکشن کمیشن کیخلاف احتجاج کی جگہ تبدیل کردی، پی ٹی آئی اب الیکشن کمیشن دفتر کے بجائے ایف نائن پارک میں احتجاج کرے گی۔
چیئرمین تحریک انصاف عمران خان آج شام 7 بجے قوم سے خطاب کریں گے۔
سابق وزیراعظم نے ٹوئٹ کی کہ آج میں تمام لوگوں سے شام 6 بجے ایف 9 پارک میں چیف الیکشن کمیشنر اور الیکشن کمیشن آف پاکستان کے خلاف پرامن عوامی احتجاج میں نکلنے کی اپیل کر رہا ہوں، میں 7 سے ساڑھے 7 بجے کے درمیان خطاب کروں گا۔
CEC & ECP in cahoots with Imported govt conspired to try a technical knockout against PTI after PMLN got routed in Punjab bye elections despite support of entire state machinery & ECP shenanigans. Now they are cowering in fear abt same happening to entire PDM in General Elections
— Imran Khan (@ImranKhanPTI) August 4, 2022
چیف الیکشن کمیشنر اور الیکشن کمیشن آف پاکستان امپورٹڈ حکومت کے ساتھ مل کر پی ٹی آئی کے خلاف ٹیکنیکل ناک آؤٹ کی سازش کررہی ہے۔
انہوں نے مزید لکھا کہ جب پنجاب کے ضمنی انتخابات میں مسلم لیگ ن کو پوری ریاستی مشینری اور الیکشن کمیشن آف پاکستان کی حمایت کے باوجود شکست دی، اب وہ عام انتخابات میں پوری پی ڈی ایم کے ساتھ ہارنے کے خوف سے ڈر رہے ہیں۔
