لاہور: (دنیا نیوز) وزیر اعلیٰ پنجاب پرویزالٰہی سے جھنگ کے ارکان اسمبلی کے وفد نے ملاقات کی اس موقع پر سیاسی امور اور سیلاب زدگان کی بحالی کے اقدامات پر تبادلہ خیال کیا گیا۔
ملاقات میں سیاسی امور ، ترقیاتی منصوبوں اور سیلاب زدگان کی بحالی کے اقدامات پر گفتگو ہوئی۔ ملاقات کرنے والوں میں صاحبزادہ محمد محبوب سلطان، غلام بی بی بھروانہ، رانا شہباز احمد اور اعظم چیلہ شامل تھے۔
وزیر اعلیٰ پنجاب نے کہا کہ سیلاب متاثرین کی بحالی میں کوئی کسر اٹھا نہ رکھی جائے گی، سیلاب متاثرہ علاقوں میں آبیانیہ اور مالیہ معاف کر دیا ہے، متاثرین کی بحالی کیلئے5ارب روپے کا خصوصی فنڈ قائم کیا ہے۔
چودھری پرویزالٰہی نے مزید کہا کہ مخیر حضرات سے اپیل ہے کہ وہ آگے بڑھیں اور مصیبت میں گھرے بہن بھائیوں کا سہارا بنیں۔
