اسلام آباد:(دنیا نیوز) سیلاب سے گزشتہ 24 گھنٹوں کے دوران ملک بھر میں مزید 5 افراد جان کی بازی ہار گئے جس سے جاں بحق ہونے والوں کی مجموعی تعداد 1486 ہوگئی ہے، زخمیوں کی تعداد 12 ہزار 700 سے تجاوز کر گئی۔
این ڈی ایم اے کی تازہ ترین رپورٹ کے مطابق بلوچستان میں مزید 3 جبکہ خیبر پختونخوامیں 2 افراد سیلاب سے جاں بحق ہوئے، سیلاب اور بارشوں سے مجموعی طور پر سب سے زيادہ 638 اموات سندھ میں ريکارڈ کی گئیں، بلوچستان میں 281 ،خيبرپختونخوا میں 305 ،پنجاب میں 191 ، آزاد کشمیر میں 48 اور گلگت بلتستان میں 22 افراد زندگى کى بازى ہار گئے۔
دوسری جانب ملک بهر میں 11 لاکھ 88 ہزار 406 گھروں کو جزوى نقصان پہنچا جبکہ 5 لاکھ 71 ہزار 966 گھر مکمل تباہ ہو ئے، 390 پل اور 12 ہزار 718 کلومیٹر سڑکیں بھی متاثر ہوئیں، ملک بھر میں 9 لاکھ 18ہزار 473 مويشی بھی سیلابی ریلوں میں بہہ گئے۔
