راولپنڈی: (دنیا نیوز) سابق وزیر داخلہ و سربراہ عوامی مسلم لیگ شیخ رشید احمد نے کہا ہے کہ گینگ آف تھری زرداری، نواز، فضل الرحمن الیکشن نہیں روک سکتے۔
سماجی رابطے کی ویب سائٹ ٹوئٹر پر اپنا بیان جاری کرتے ہوئے سربراہ عوامی مسلم لیگ شیخ رشید نے کہا کہ پی ڈی ایم کرپشن بچاؤ کے بعد سیاست بچاؤ مہم پر ہے، 6 ماہ میں معیشت نہیں سدھری، برآمدات نہیں بڑھیں، مہنگائی اور ڈالر نہیں رکا۔
پی ڈی ایم کرپشن بچاؤ کےبعدسیاست بچاؤمہم پرہے6ماہ میں معیشت نہیں سدھری،برآمدات نہیں بڑھیں،مہنگائی اورڈالرنہیں رکا۔مزیدڈیڑھ کروڑلوگ خط غربت سےنیچےچلے گئےاقتصادی صورتحال انتہائی نازک ہوگئی ہے۔گینگ آف تھری زرداری،نواز،فضل الرحمان الیکشن نہیں روک سکتے۔نہ باہرسےامدادآئی،نہ اندرسےمددملی
— Sheikh Rashid Ahmed (@ShkhRasheed) September 17, 2022
سابق وزیر داخلہ نے حکومتی پالیسیوں پر تنقید کرتے ہوئے مزید کہا کہ اقتصادی صورت حال نازک ہو گئی ہے، مزید ڈیڑھ کروڑ لوگ خط غربت سے نیچے چلے گئے۔ باہر سے کوئی امداد آئی، نہ انہیں اندر سے مدد ملی۔
ایک اور ٹوئٹ کرتے ہوئے سابق وزیر داخلہ شیخ رشید نے کہا ہے کہ ہمارے دور میں MQM کو کوئی لاش نہیں ملی، 2 وزارتیں ہم نے دیں 2 انھوں نےدیں ساتھ انکو کراچی سے فارغ کر دیا۔
ہمارےدورمیں کوکوئی لاش نہیں ملی2وزارتیں ہم نےدیں2انھوں نےدیں ساتھ انکوکراچی سےفارغ کردیاآصف زرداری بےشک لاہوربیٹھیں،الٹی گنتی شروع ہوچکی۔عمران خان اگلی انتخابی مہم سندھ سےشروع کرےگاثمرقندمیں بلاول کاچہرہ پڑھاجاسکتا ہےپنجاب کی حکومت گرانےوالےمرکزکی فکرکریں آٹااورپیٹرول نایاب ہے
— Sheikh Rashid Ahmed (@ShkhRasheed) September 17, 2022
انہوں نے مزید کہا ہے کہ آصف زرداری بے شک لاہور بیٹھیں، الٹی گنتی شروع ہو چکی، عمران خان اگلی انتخابی مہم سندھ سے شروع کرے گا، سمرقند میں بلاول کا چہرہ پڑھا جاسکتا ہے، پنجاب کی حکومت گرانے والے مرکز کی فکر کریں، آٹا اور پیٹرول نایاب ہے۔
