لاہور: (ویب ڈیسک) وزیراعظم شہباز شریف اور ان کے صاحبزادے سابق وزیراعلیٰ پنجاب حمزہ شہباز کی ایف آئی اے منی لانڈرنگ کیس سے بریت پر پاکستان تحریک انصاف (پی ٹی آئی) اور دیگر نے سخت ردعمل کا اظہار کیا ہے۔
سماجی رابطے کی ویب سائٹ ٹوئٹر پر پی ٹی آئی رہنماؤں اور سراج الحق نے اپنے ردعمل کا اظہار کیا۔
شبلی فراز
شہباز شریف اور حمزہ شریف کی منی لانڈرنک کیس سے بریت پر فیض احمد فیض کا ایک مصرعہ یاد آیا ۔”ھیں سنگ و خشت مقید اور سگ آزاد “
— Senator Shibli Faraz (@shiblifaraz) October 12, 2022
سابق وفاقی وزیر شبلی فراز نے لکھا کہ شہباز شریف اور حمزہ شریف کی منی لانڈرنک کیس سے بریت پر فیض احمد فیض کا ایک مصرعہ یاد آیا، ہیں سنگ و خشت مقید اور سگ آزاد۔
فواد چودھری
24 ارب روپے کی منی لانڈرنگ شہباز شریف اورحمزہ شریف کے سر پرُواری، عدالتی نظام کے عوام کے منہ پر ایک اور طمانچہ 14 ہزاراکاؤنٹس پر عرق ریزمحنت کے اور فُول پروف مقدمہ یہ پاکستان کے لوگوں کے پیسے ہیں ایک طرف سیلاب زدگان کیلئے پیسے مانگ رہے ہیں دوسری طرف ایک خاندان اربوں روپے کھا گیا
— Ch Fawad Hussain (@fawadchaudhry) October 12, 2022
سابق وفاقی وزیر اطلاعات فواد چودھری نے ٹوئٹر پر لکھا کہ 24 ارب روپے کی منی لانڈرنگ شہباز شریف اورحمزہ شریف کے سرپرُواری، عدالتی نظام کے عوام کے منہ پر ایک اور طمانچہ ہے۔
انہوں نے کہا کہ 14 ہزاراکاؤنٹس پر عرق ریزمحنت کے اور فُول پروف مقدمہ یہ پاکستان کے لوگوں کے پیسے ہیں، ایک طرف سیلاب زدگان کیلئے پیسے مانگ رہے ہیں تو دوسری طرف ایک خاندان اربوں روپے کھا گیا۔
عمران اسماعیل
شریف فیملی جس تیزی سے کیسز میں بری ہورہی ہے تعجب ہی کیا جاسکتا ہے کاش جیلوں میں موجود عام قیدیوں کو بھی یہی سہولت میسر ہوتی حکومت میں آکر لوٹ مارکرو اور این آر او لیکر چوری حلال کراؤ عظیم ملک کو دو خاندانوں نے کہاں پہنچا دیا ہے.
— Imran Ismail (@ImranIsmailPTI) October 12, 2022
سابق گورنر سندھ عمران اسماعیل نے ٹوئٹ کرتے ہوئے کہا کہ شریف فیملی جس تیزی سے کیسز میں بری ہورہی ہے تعجب ہی کیا جاسکتا ہے، کاش جیلوں میں موجود عام قیدیوں کو بھی یہی سہولت میسر ہوتی، حکومت میں آکر لوٹ مارکرو اور این آر او لیکر چوری حلال کراؤ، عظیم ملک کو دو خاندانوں نے کہاں پہنچا دیا ہے۔
عثمان ڈار
شہباز شریف اور حمزہ شہباز کا منی لانڈرنگ جیسے اوپن اینڈ شٹ کیس میں بری ہونا کوئی بریکنگ نیوز نہیں ہے، جسے فرد جرم عائد ہونے کے دن ملک کا وزیراعظم بنا دیا گیا ہو وہ اپنے ماتحت ادارے کو اپنے خلاف کیس کیسے جیتنے دیتا؟ عمران خان کی جنگ اسی نظام کے خلاف ہے جس میں ادارے تباہ ہو رہے ہیں
— Usman Dar (@UdarOfficial) October 12, 2022
پاکستان تحریک انصاف کے رہنما عثمان ڈار نے کہا کہ شہباز شریف اور حمزہ شہباز کا منی لانڈرنگ جیسے اوپن اینڈ شٹ کیس میں بری ہونا کوئی بریکنگ نیوز نہیں، جسے فرد جرم عائد ہونے کے دن ملک کا وزیراعظم بنا دیا گیا ہو وہ اپنے ماتحت ادارے کو اپنے خلاف کیس کیسے جیتنے دیتا؟ عمران خان کی جنگ اسی نظام کے خلاف ہے جس میں ادارے تباہ ہو رہے ہیں۔
فرخ حبیب
یہ ہے NRO 2
— Farrukh Habib (@FarrukhHabibISF) October 12, 2022
16 ارب کا رمضان شوگرز ملز کے ملازمین کے نام پر لوٹ مار کرنے والے حمزہ، شہباز شریف بری ہو گے جس مقدمہ میں سلمان شہباز اشتہاری ہے۔
FIA ڈائریکٹر ڈاکٹر رضوان کو مروا دیا ، ملزم مقصود چپڑاسی کو مروادیا
پراسیکوٹر اپنا لگوا لیا
نکلو اس کرپٹ نظام کیخلاف
پی ٹی آئی رہنما فرخ حبیب کا کہنا تھا کہ یہ ہے این آر او ٹو ۔ 16 ارب کا رمضان شوگرز ملز کے ملازمین کے نام پر لوٹ مار کرنے والے حمزہ، شہباز شریف بری ہوگئے جس مقدمہ میں سلمان شہباز اشتہاری ہے، ایف آئی اے ڈائریکٹر ڈاکٹر رضوان کو مروا دیا ، ملزم مقصود چپڑاسی کو مروادیا۔۔ پراسیکوٹر اپنا لگوا لیا ، نکلو اس کرپٹ نظام کیخلاف۔
سراج الحق
یہ کیسا نظام ہے جس میں کسی کے اشارہ ابرو سے ایک وقت میں جس رفتار سے کسی کے خلاف مقدمے بنتے ہیں، اسی رفتار سے پھر واپس ہونے لگتے ہیں۔ ڈیل اور ڈھیل کی روش نے احتسابی عمل اور احتسابی اداروں کو مذاق بنا دیا ہے۔ یہ سلسلہ اب ختم ہونا چاہیے۔ قوم بلاتفریق حقیقی احتساب چاہتی ہے https://t.co/aLYDWBdVzK
— Siraj ul Haq (@SirajOfficial) October 12, 2022
امیر جماعت اسلامی سراج الحق نے ٹوئٹ کرتے ہوئے کہا کہ اگر کسی کا احتساب نہیں ہونا اور سب نے ‘باعزت’ بری ہونا ہے تو احتساب کے ادارے ختم کر دیں تاکہ ان پر قوم کا پیسہ خرچ نہ ہو، ایک طرف قوم کا پیسہ لوٹا جاتا ہے، دوسری طرف اس کی واپسی کے نام پیسہ پانی کی طرح بہتا ہے اور ہاتھ کچھ نہیں آتا، ہر دو طرح سے قوم خسارے میں رہتی ہے، یہ کیسا نظام ہے جس میں کسی کے اشارہ ابرو سے ایک وقت میں جس رفتار سے کسی کے خلاف مقدمے بنتے ہیں۔
ان کا کہنا تھا کہ اسی رفتار سے پھر واپس ہونے لگتے ہیں۔ ڈیل اور ڈھیل کی روش نے احتسابی عمل اور احتسابی اداروں کو مذاق بنا دیا ہے۔ یہ سلسلہ اب ختم ہونا چاہیے۔ قوم بلاتفریق حقیقی احتساب چاہتی ہے۔
