لاہور: (ویب ڈیسک) وفاقی وزیر دفاع خواجہ آصف نے کہا ہے کہ نئے آرمی چیف کی تقرری کی سمری وزیراعظم ہاؤس کو موصول ھو گئ ہے۔
وزیر دفاع خواجہ آصف نے آرمی چیف اور چیئرمین جوائنٹ چیفس آف اسٹاف کمیٹی کی تقرری کیلئے سمری وزیراعظم آفس کو موصول ہونے کی تصدیق کر دی۔
سمری وزارت دفاع سے وزیراعظم آفس میں موصول ھو گئ. انشاءاللہ باقی مراحل بھی جلد طے ھو جائیں گے..
— Khawaja M. Asif (@KhawajaMAsif) November 22, 2022
سماجی رابطے کی ویب سائٹ ٹویٹر پر وزیر دفاع خواجہ آصف نےلکھا ہے کہ سمری وزارت دفاع سے وزیراعظم آفس میں موصول ہوگئی ہے۔ انشاءاللہ باقی مراحل جلد طے ہو جائیں گے۔اس سے قبل خواجہ آصف نے ٹویٹ کی تھی کہ وزیراعظم آفس کو سمری موصول ہونے پر تصدیق کر دی جائے گی۔
قبل ازیں وزیر دفاع خواجہ آصف اور وزیر اطلاعات مریم اورنگزیب نے پاک فوج میں اہم تعیناتیوں کی سمری وزیراعظم ہاؤس کو موصول ہونے کی تردید کی تھی، وزیردفاع خواجہ آصف نے وضاحت کی تھی کہ وزیراعظم کو ابھی سمری موصول نہیں ہوئی، وزیراعظم ہاؤس کو سمری موصول ہوتے ہی تصدیق کردی جائے گی۔
وزیراعظم کو ابھی سمری موصول نہیں ھوئ.. انشاءاللہ
— Khawaja M. Asif (@KhawajaMAsif) November 22, 2022
سمری کی PMO میں وصولی کنفرم وقت پہ کی جاۓ گی..
علاوہ ازیں وزیراطلاعات و نشریات نے وضاحت کی تھی کہ پاک فوج میں اہم تعیناتیوں کے حوالے سے وزیر دفاع خواجہ آصف سے منسوب بیان درست نہیں ہے، آرمی چیف کی تعیناتی سے متعلق سمری تاحال وزیراعظم ہاؤس میں موصول نہیں ہوئی لہذا اس حوالے سے قیاس آرائیاں نہ کی جائیں۔
وزیر دفاع خواجہ آصف سے منسوب بیان درست نہیں
— Marriyum Aurangzeb (@Marriyum_A) November 22, 2022
آرمی چیف کی تعیناتی سے متعلق سمری تاحال وزیراعظم ہاؤس میں موصول نہیں ہوئی، قیاس آرائیاں نہ کی جائیں
سمری موصول ہونے پر اطلاع دے دی جائے گی
