راولپنڈی: (دنیا نیوز) عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ چھڑی کے بعد اب 30 جنوری تک الیکشن کی گھڑی بھی بدل جائے گی۔
سماجی رابطوں کی ویب سائٹ ٹوئٹر پر اپنا بیان جاری کرتے ہوئے سابق وزیر داخلہ شیخ رشید نے کہا ہے کہ 4 ماہ سے پنجاب اسمبلی کا اجلاس جاری ہے اس لیے عدم اعتماد اور گورنر راج ناممکن ہیں، حکومت میں آنے اور اس کو لانے والے دونوں پشیمان ہیں۔
سربراہ عوامی مسلم لیگ نے کہا کہ فضل الرحمن کے بیان نے اس کو رسوا کر دیا، 30 جنوری تک الیکشن کی گھڑی بھی بدل جائے گی، معیشت ہی قومی سلامتی ہے جس پر کوئی خاموش تماشائی نہیں رہ سکتا۔
عمران خان نےتنہا13پارٹیوں کی سیاست دفن کردی اسمبلیاں تحلیل ہوگئیں تو1سال میں2الیکشن کےنہ پیسے ہیں نہ منصوبہبندی گوٹی پھنس گئی ہے77وزراءخزانے پہ بوجھ ہیں8مہینےسےفاقہ کشی مہنگائ اورابIMFکاجواب ہےجو لندن دوائی لینے گئےتھےوہ نیوائیر کی چھٹیاں منارہےہیں الٹی گنتی شروع جی کاجاناٹھہرگیا
— Sheikh Rashid Ahmed (@ShkhRasheed) November 29, 2022
شیخ رشید نے کہا ہے کہ عمران خان نے تنہاء 13 پارٹیوں کی سیاست دفن کردی، اسمبلیاں تحلیل ہوگئیں تو ایک سال میں 2 الیکشن کے نہ پیسے ہیں نہ منصوبہ بندی، گوٹی پھنس گئی ہے۔
ان کا مزید کہنا تھا کہ 77 وزراء خزانے پر بوجھ ہیں، 8 مہینے سے فاقہ کشی، مہنگائی اور اب آئی ایم ایف کا جواب ہے، جو لندن دوائی لینے گئے تھے وہ نیو ایئر کی چھٹیاں منا رہے ہیں، الٹی گنتی شروع، ان کا جانا ٹھر گیا۔
