اسلام آباد: ( دنیا نیوز ) انڈونیشیا نے سیلاب زدگان کی مدد کے لئے پاکستان کو 10 لاکھ ڈالرز عطیہ کرنے کا فیصلہ کیا ہے۔
ذرائع کے مطابق وفاقی کابینہ نے انڈونیشیا کے ساتھ معاہدہ کرنے کی منظوری دیدی، کابینہ سے سرکولیشن کے ذریعے سمری کی منظوری لے لی گئی۔
معاہدہ کے مطابق انڈونیشیا فنڈز سیلاب زدگان کے ریلیف آئٹمز کیلئے دے گا، دوست اسلامی ملک نے پاکستان کو معاہدے کا مسودہ بھیجا تھا، مسودے کی وزارت خارجہ، خزانہ اور اقتصادی امور نے توثیق کی۔
اس حوالے سے ذرائع کی جانب سے مزید بتایا گیا کہ وزارت قانون و انصاف اور ایف بی آر نے بھی مسودے کی توثیق کی ہے۔
