کراچی: (دنیا نیوز) سابق گورنر سندھ عمران اسماعیل نے کہا ہے کہ پاکستان تحریک انصاف (پی ٹی آئی) الیکشن جیت گئی ہے، میئر کا اعلان پارٹی چیئرمین عمران خان کریں گے۔
سماجی رابطے کی ویب سائٹ ٹوئٹر پر اپنے پیغام میں رہنما پی ٹی آئی عمران اسماعیل نے کہا کہ میں اللہ اور کراچی کے لوگوں کا شکر گزار ہوں، ان شاء اللہ ہم کراچی کو جدید شہر میں تبدیل کریں گے۔
— Imran Ismail (@ImranIsmailPTI) January 15, 2023
خیال رہے کہ کراچی اور حیدرآباد کے 16 اضلاع میں بلدیاتی انتخابات کے دوسرے مرحلے کیلئے پولنگ کا عمل مکمل ہونے کے بعد ووٹوں کی گنتی اور نتائج آنے کا سلسلہ جاری ہے، سرکاری سطح پر کسی بھی سیاسی پارٹی کی واضح اکثریت کا اعلان تاحال نہیں کیا گیا۔
