پاکستان
خلاصہ
- پشاور: (دنیا نیوز) پاکستان تحریک انصاف کی جانب سے صوبائی اسمبلی کی تحلیل پرعملدرآمد شروع ہو گیا، وزیراعلیٰ محمود خان نے خیبر پختونخوا اسمبلی کی تحلیل کی سمری پر دستخط کر دئیے۔
وزیراعلیٰ خیبرپختونخوا محمود خان نے دستخط کے بعد خیبرپختونخوا اسمبلی تحلیل کی ایڈوائس گورنر کے پی کو بھیج دی، گورنر خیبر پختونخوا 48 گھنٹے میں سمری منظور کر کے دستخط کریں گے۔
حسب وعدہ خیبر پختونخوا اسمبلی کی تحلیل کی سمری پر دستخط کرکے گورنر کو ارسال کردی گئی ہے ۔ انشاء اللہ دو تہائی اکثریت حاصل کرکے قائد عمران خان کو دوبارہ وزیراعظم بنائے گئے ۔ pic.twitter.com/aAg43LTwCk
— Mahmood Khan (@IMMahmoodKhan) January 17, 2023
گورنر خیبر پختونخوا کی جانب سے دستخط نہ کرنے کی صورت میں 48 گھنٹے کے بعد اسمبلی ازخود تحلیل ہو جائے گی، خیبرپختونخوا میں اسمبلی تحلیل کے بعد 90 دن میں انتخابات کرانا ہوں گے۔
