اسلام آباد: (دنیا نیوز) جوڈیشل مجسٹریٹ وقاص راجہ نے پولیس کی درخواست پر محفوظ فیصلہ سناتے ہوئے فواد چودھری کا مزید 2 روزہ جسمانی ریمانڈ دے دیا۔
سیشن کورٹ نے فواد چودھری کے جسمانی ریمانڈ میں اضافے کی پولیس کی درخواست منظور کی تھی جس کے بعد تحریک انصاف کے رہنما کو تھانہ کوہسار کے جوڈیشل مجسٹریٹ کی عدالت میں پیش کرنے کا حکم دیا گیا تھا۔
پولیس کی جانب سے مزید جسمانی ریمانڈ کی درخواست پر دونوں جانب کے وکلاء کے دلائل سننے کے بعد فیصلہ محفوظ کیا گیا تھا جسے کچھ وقفے کے بعد ہی سناتے ہوئے جوڈیشل مجسٹریٹ نے فواد چودھری کا مزید 2 روزہ جسمانی ریمانڈ منظور کر کے انہیں پیر کو دوبارہ پیش کرنے کا حکم دیا۔
یہ بھی پڑھیں: فواد چودھری کی مزید جسمانی ریمانڈ کی درخواست پر فیصلہ محفوظ
سماعت کے دوران اسلام آباد کی عدالت نے تحریک انصاف کے رہنما فواد چودھری کو وکلاء اور خاندان سے ملاقات کی بھی اجازت دے دی، پندرہ منٹ کیلئے خاندان کے افراد اور وکلاء سے ملاقات کرلیں۔
