لاہور: (دنیا نیوز) سربراہ عوامی مسلم لیگ شیخ رشید احمد نے کہا ہے کہ جو الیکشن کو 90 روز سے آگے لے کر جائے گا وہ غدار ہو گا، الیکشن کو آگے لے جانے والوں پر آرٹیکل 6 لگے گا۔
پاکستان تحریک انصاف کے چیئرمین عمران خان سے ملاقات کے بعد زمان پارک کے باہر میڈیا سے گفتگو کرتے ہوئے انہوں نے کہا کہ آج عمران خان نے زندگی میں پہلی بار کسی کو رہائی پر سگار کا ڈبہ دیا ہے، شیخ رشید نے ملنے والا سگار کا ڈبہ بھی میڈیا کو دکھا دیا۔
یہ بھی پڑھیں: مریم نواز پہلے شوہر کو آن بورڈ کرے پھر ورکروں سے خطاب کرے: شیخ رشید
اس موقع پر گفتگو کرتے ہوئے شیخ رشید نے کہا کہ صبح 11 بجے اہم پریس کانفرنس کروں گا، انہوں نے کہا کہ غریب ایڑیاں رگڑ رگڑ کر مر رہا ہے، تمام بحرانوں کا ایک ہی حل ہے ملک میں فوری الیکشن کرائے جائیں، مریم نوازکا خاوند ہی ان کے ساتھ نہیں، اگر مریم نواز میں جرات ہے تو قوم کو بتائے کس کی حکومت ہے۔
شیخ رشید نے کہا کہ 380 ارب کی بجلی چوری ہو رہی ہے، جو بجلی چوری ہوتی ہے وہ بلوں میں ڈال دی جاتی ہے، لوگو ملک بچانے کا وقت ہے، عمران کے ساتھ کھڑے ہو جاؤ، چور، اچکے آنکھیں دکھا رہے ہیں۔
یہ بھی پڑھیں: شیخ رشید کی لاہور بھٹہ چوک میں ڈھابے پر کھانا کھانے کی ویڈیو وائرل
انہوں نے کہا کہ پاکستان پرایسا وقت کبھی نہیں آیا جو آج ہے، عمران خان 22 کروڑعوام کی آواز ہے، عمران خان کو کہا ہے گرفتاری کے لیے سب سے پہلے اپنا نام دوں گا۔
