لاہور: (دنیا نیوز) اسلام آباد میں پیشی اور ساہیوال میں جیل بھرو تحریک کے دوران رہنماؤں اور کارکنوں کی جانب سے جوش و جذبہ دکھانے پر چیئرمین پاکستان تحریک انصاف نے مسرت کا اظہار کیا۔
سماجی رابطے کی ویب سائٹ ٹوئٹر پر اپنے بیان میں سابق وزیر اعظم عمران خان نے کہا کہ بدترین مہنگائی کے خلاف جیل بھرو تحریک کی صورت میں اپنے پرامن احتجاج کیلئے بڑی تعداد میں نکلنے اور گرفتاریاں دینے پر ساہیوال کی قیادت اور پوری ٹیم کو مبارکباد پیش کرتا ہوں۔
ہمارے بنیادی حقوق بری طرح پامال کرتے ہوئے عوام کو بدترین مہنگائی کے بوجھ تلے کچلنے کیخلاف جیل بھرو تحریک کیصورت میں اپنے پرامن احتجاج کیلئے بڑی تعداد میں نکلنے پر میں ساہیوال کی قیادت اور پوری ٹیم کو مبارکباد پیش کرتا ہوں۔ pic.twitter.com/KtRc3phjhy
— Imran Khan (@ImranKhanPTI) February 28, 2023
اپنے ایک اور ٹوئٹ میں عمران خان نے کہا کہ اسلام آباد میں آج اپنے فقیدالمثال استقبال پر میں تحریک انصاف کے کارکنوں کا شکریہ ادا کرنا چاہتا ہوں، دھمکیوں اور خوف و ہراس کے باوجود ہمارے کارکنان کا جنون اتنا ہی غیر معمولی اور توانا ہے جس کا نظّارہ میں نے آج اسلام آباد میں کیا۔
اسلام آباد میں آج اپنےفقیدالمثال استقبال پر میں تحریک انصاف کےکارکنان کا شکریہ اداکرناچاہتا ہوں۔ پیہم دھمکیوں اور لامحدود خوف و ہراس کے باوجود ہمارےکارکنان کا جنون اتنا ہی غیرمعمولی اور توانا ہے جس کا نظّارہ میں نے آج اسلام آباد میں کیا۔ pic.twitter.com/XwMoIbgxnj
— Imran Khan (@ImranKhanPTI) February 28, 2023
