راولپنڈی: (دنیا نیوز) سربراہ عوامی مسلم لیگ اور سابق وزیر داخلہ شیخ رشید نے کہا ہے کہ اس پر سب ججز متفق ہیں کہ 90 دن میں الیکشن ہوں گے اور الیکشن کمیشن اس کو یقینی بنائے گا، نگران حکومت 90 دن کیلئے ہے۔
سماجی رابطے کی ویب سائٹ ٹوئٹر پر اپنے پیغام میں سابق وفاقی وزیر شیخ رشید نے کہا کہ مہنگائی 50 فیصد بڑھ گئی اور ڈالر بھی 275 روپے کا ہوگیا، آسیب زدہ سائے ملک میں چھا جانے کا خطرہ ہے، پاکستان ڈیموکریٹک موومنٹ (پی ڈی ایم) میں پھوٹ پڑ گئی ہے، جمعہ کے روز 3 بجے لال حویلی میں پریس کانفرنس کروں گا۔
انہوں نے کہا کہ فضل الرحمان کا فرنٹ مین خیبر پختونخوا کا گورنر صوبے کی سیاست کیلئے صدر کے پاس کیا پیغام لایا وہ جلد ٹوئٹ کروں گا، اہم خبر کیلئے عوام میرے ٹوئٹر اکاؤنٹ کو 30 اپریل تک فالو کریں۔
— Sheikh Rashid Ahmed (@ShkhRasheed) March 2, 2023
شیخ رشید کا مزید کہنا تھا کہ یہ 3 ججوں کا نہیں بلکہ ساری سپریم کورٹ اور پاکستان کی عزت، وقار کا مسئلہ ہے جسے سارے جمہوریت دشمن ڈاکو داؤ پر لگانا چاہتے ہیں، جن 2 قابل احترام ججوں نے کیس سنا ہی نہیں ان کو فیصلے میں کیسے دھکیلا جا سکتا ہے۔
