اسلام آباد: (دنیا نیوز) سیشن کورٹ اسلام آباد نے اداروں کے خلاف بغاوت پر اکسانے کے کیس میں رہنما تحریک انصاف شہباز گل کی فرد جرم موخر کرنے کی استدعا پر محفوظ سنا دیا۔
ڈسٹرکٹ اینڈ سیشن کورٹ اسلام آباد نے بغاوت پر اکسانے سے متعلق کیس میں شہباز گل اور عماد یوسف کی درخواستیں مسترد کر دیں، شہباز گل و دیگر پر فرد جرم کی نئی تاریخ 22 مارچ مقرر کرتے ہوئے کیس کی سماعت 22 مارچ تک ملتوی کر دی۔
عدالت نے اداروں کے خلاف بغاوت پر اکسانے کے کیس میں شہباز گل کو آج فرد جرم عائد کرنے کیلئے طلب کر رکھا ہے۔
گزشتہ سماعت پر شہباز گل کی حاضری سے استثنا کی درخواست منظور کر لی گئی تھی۔
یاد رہے کہ پی ٹی آئی رہنما نے ایڈیشنل سیشن جج طاہر عباس سپرا کی عدالت میں دو درخواستیں دائر کر رکھی ہیں جس میں شہباز گل نے سپریم کورٹ میں ارشد شریف ازخود نوٹس کیس کے فیصلے تک سماعت روکنے کی استدعا کی تھی۔
