لاہور: (دنیا نیوز) لاہور ہائیکورٹ نے پاکستان تحریک انصاف (پی ٹی آئی) کے رہنما اور سابق وزیر مملکت فرخ حبیب کا نام ای سی ایل سے نکالنے کا حکم دے دیا۔
تحریک انصاف کے رہنما فرخ حبیب نے لاہور ہائیکورٹ میں نام ای سی ایل سے نکالنے کی درخواست دائر کر رکھی تھی جسے اعلیٰ عدالت نے منظور کر لیا۔
لاہور ہائیکورٹ کے جسٹس انوار الحق پنوں نے فرخ حبیب کی درخواست پر فیصلہ سناتے ہوئے ان کا نام ای سی ایل سے نکالنے کا حکم دیا۔
یاد رہے کہ ایف آئی اے نے فرخ حبیب کو بیرون ملک جانے سے روک دیا تھا، سابق وزیر مملکت کو نام سٹاپ لسٹ میں ہونے کے باعث دبئی جانے سے روکا گیا تھا۔
