کراچی: (دنیا نیوز) میئر کراچی مرتضیٰ وہاب صدیقی کے زیر صدارت اجلاس میں واٹر بورڈ افسران نے واجبات ادا نہ کرنے والے اداروں کی تفصیلات بیان کر دیں۔
افسروں کی جانب سے بتایا گیا ہے کہ کراچی میں مختلف سرکاری اداروں پر واٹر اینڈ سیوریج بورڈ کے 50 ارب روپے کے واجبات ہیں، اجلاس میں واجبات کی وصولی کیلئے ہر حال میں بھرپور قانونی اقدامات کرنے کا فیصلہ کر لیا گیا۔
— Murtaza Wahab Siddiqui (@murtazawahab1) July 11, 2023
اجلاس میں واجبات کی ادائیگی نہ کرنے والے اداروں کے پانی کنکشنز کاٹنے پر بھی غور کیا گیا، میئر کراچی نے واٹر بورڈ کی ریکوری کو بہتر بنانے سمیت ادارے کو مالی مستحکم بنانے کیلئے بہترین انداز میں کام کو بڑھانے کی ہدایت کی۔
بتایا گیا ہے کہ سائٹ لمیٹڈ، ریلوے، سندھ پولیس، سٹیل مل واٹر بورڈ کے واجبات ادا نہ کرنے والے اداروں کی فہرست میں شامل ہیں۔
