کراچی: (دنیا نیوز) رانی پور میں پیر کی حویلی میں 10 سالہ بچی کے ساتھ انسانیت سوز سلوک پر ردعمل دیتے ہوئے آصفہ بھٹو زرداری نے ملزم کو سخت سے سخت سزا دینے کا مطالبہ کیا ہے۔
سماجی رابطے کی ویب سائٹ ٹوئٹر (ایکس) پر اپنے پیغام میں آصفہ بھٹو نے رانی پور پیش آنے والے انسانیت سوز واقعہ پر گہرے دکھ کا اظہار کیا۔
— Aseefa B Zardari (@AseefaBZ) August 18, 2023
انہوں نے کمسن گھریلو ملازمہ فاطمہ پر تشدد کے بعد قتل کے الزام میں گرفتار ملزم اسد شاہ کو وحشی درندہ قرار دیتے ہوئے اسے سخت سے سخت سزا دینے کا مطالبہ کیا۔
آصفہ بھٹو زرداری نے اپنے پیغام میں چائلڈ لیبر کے خاتمے اور اس کے خلاف پالیسی مرتب کرنے کا مطالبہ بھی کیا۔
یاد رہے کہ رانی پور میں با اثر پیر کے گھر کام کرنے والی 10 سالہ ملازمہ مبینہ زیادتی اور تشدد سے جاں بحق ہوگئی تھی، بچی کو بغیر پوسٹ مارٹم کے سپردخاک کیا گیا۔
عدالت نے واقعہ میں ملوث مرکزی ملزم اسد شاہ کو 4 روزہ جسمانی ریمانڈ پر پولیس کے حوالے کردیا، پولیس کی درخواست پر بچی کی قبر کشائی کی اجازت بھی دے دی گئی۔
