راولپنڈی: (دنیا نیوز) الیکشن ٹربیونل نے فواد چودھری کے کاغذات نامزدگی مسترد ہونے کے خلاف اپیل خارج کر دی۔
الیکشن ٹربیونل نے فواد چودھری کے کاغذات نامزدگی مسترد ہونے کے خلاف اپیل پر فیصلہ سنا دیا، کاغذات نامزدگی مسترد ہونے کے خلاف فیصلہ الیکشن ٹربیونل کے جسٹس چودھری عبدالعزیز نے سنایا، الیکشن ٹربیونل نے فریقین کے دلائل مکمل ہونے پر فیصلہ محفوظ کیا تھا۔
سابق وفاقی وزیر فواد چودھری نے جہلم کے حلقہ این اے 60 اور این اے 61 سے کاغذات نامزدگی جمع کرائے تھے، آر او آفس کے اعتراضات کے خلاف فواد چودھری نے الیکشن ٹربیونل میں اپیل دائر کر رکھی تھی۔
