اسلام آباد: (دنیا نیوز) عام انتخابات 2024ء کے لیے پوسٹل بیلٹ پیپرز کے حصول کا مقررہ وقت ختم ہو گیا۔
وفاقی و صوبائی سرکاری ملازمین اور ملک بھر کے قیدیوں نے پوسٹل بیلٹ کے ذریعے حق رائے دہی استعمال کیا، الیکشن کمیشن کے ملازمین اور پولنگ عملے نے بھی پوسٹل بیلٹ کے ذریعے حق رائے دہی استعمال کیا۔
ذرائع کے مطابق پوسٹل بیلٹ پیپرز کے لئے ووٹرز نے درخواستیں ڈسٹرکٹ ریٹرننگ افسر کو بھجوائیں، جیل کے قیدی اور زیر حراست ملزمان پوسٹل بیلٹ کے ذریعے ووٹ کاسٹ کر سکتے تھے۔
معذوری والا شناختی کارڈ رکھنے والے افراد کے لئے بھی پوسٹل بیلٹ کی سہولت میسر تھی، مسلح افواج کے اہلکار، ان کے اہل خانہ کو پوسٹل بیلٹ کی سہولت دی گئی تھی۔
ذرائع کے مطابق اہل ووٹرز نے اپنے ریٹرننگ افسر کو پوسٹل بیلٹ کی درخواستیں دی تھیں۔
