لاہور: (دنیا نیوز) انسدادِ دہشت گردی عدالت نے مسلم لیگ (ن) کا آفس جلانے کے مقدمہ میں صنم جاوید کی درخواست ضمانت بعدازگرفتاری پر سماعت 25 جنوری تک ملتوی کر دی۔
انسداد دہشت گردی عدالت کے جج ارشد جاوید نے صنم جاوید کی درخواست ضمانت بعدازگرفتاری پر سماعت کی۔
دوران سماعت پراسیکیوشن نے ملزمہ کی ضمانت پر دلائل کیلئے مہلت طلب کر لی، عدالت نے پراسیکیوشن کو دلائل کیلئے مہلت دیتے ہوئے کیس کی مزید سماعت 25 جنوری تک ملتوی کر دی۔
واضح رہے کہ تھانہ ماڈل ٹاؤن پولیس نے پی ٹی آئی کارکن صنم جاوید کیخلاف مسلم لیگ ن کا دفتر جلانے کا مقدمہ درج کر رکھا ہے۔
