کراچی: (دنیا نیوز) صدر میں صوبائی الیکشن کمشنر کے دفتر کے باہر دھماکا ہو گیا، دھماکے سے کوئی جانی نقصان نہیں ہوا۔
بم ڈسپوزل سکواڈ کی رپورٹ کے مطابق دھماکے کے مقام سے ٹائمر ڈیوائس اور 12 وولٹ کی بیٹری ملی، دھماکا ڈیٹونیٹر اور تقریباً 400 گرام بارودی مواد پھٹنے سے ہوا۔
رپورٹ کے مطابق بم دیسی ساختہ تھا جسے سافٹ کنٹینر میں تیار کیا گیا تھا، دھماکے کے نتیجے میں کوئی جانی نقصان نہیں ہوا۔
— Ebad Usmani (@Ebadusmanii) February 2, 2024
چیف سیکرٹری سندھ ڈاکٹر محمد فخر عالم نے کراچی میں الیکشن کمیشن کے دفتر کے باہر دھماکے کا نوٹس لیتے ہوئے ایڈیشنل آئی جی کراچی اور کمشنر کراچی سے رپورٹ طلب کر لی۔
الیکشن کمیشن آف پاکستان نے ایس ایس پی ساؤتھ اور ڈسٹرکٹ مانیٹرنگ آفیسر ضلع ساؤتھ کو خط لکھ دیا جس میں کہا گی اکہ میڈیا رپورٹس کےمطابق صوبائی الیکشن کمیشن کے دفتر کی حدود میں دھماکا ہوا ہے، اس حوالے سے فوری رپورٹ الیکشن کمیشن کو جمع کرائی جائے۔
