اسلام آباد: (دنیا نیوز) بانی پی ٹی آئی کو رہا کرنے کی قرار داد سینیٹ میں جمع کرا دی گئی، قرارداد تحریک انصاف کے سینیٹرز نے جمع کروائی۔
قرار داد پر سینیٹر فلک ناز چترالی اور سیف اللہ ابڑو کے دستخط ہیں، قرارداد میں کہا گیا ہے کہ بشریٰ بی بی، شاہ محمود قریشی، اعجاز چودھری، شبلی فراز، یاسمین راشد، صنم جاوید، پرویز الٰہی، محمود الرشید، عمران ریاض اسد طور کو رہا کیا جائے۔
سینیٹ میں جمع کرائی گئی قرارداد میں کہا گیا ہے کہ بانی پی ٹی آئی اور بشریٰ بی بی پر مقدمات جھوٹ اور سیاسی انتقام پر مبنی ہیں، مقدمات کی کوئی حیثیت نہیں، انہیں فوری ختم کیا جائے۔
قرار داد کے متن کے مطابق بانی پی ٹی آئی ملک کی سب سے بڑی پارٹی کے سربراہ ہیں، سیاسی انتقام نے ملک کی معیشت، ساکھ اور ملکی اداروں کو تباہ کیا ہے، بانی پی ٹی آئی، بشریٰ بی بی، سمیت تمام لیڈرز اور کارکنان کو رہا کیا جائے۔
