اسلام آباد: (دنیا نیوز) سنی اتحاد کونسل نے آج قومی اسمبلی میں بھرپور احتجاج کا فیصلہ کر لیا۔
اس سلسلہ میں تحریک انصاف اور سنی اتحاد کونسل کی پارلیمانی پارٹی کا اجلاس بھی آج طلب کر لیا گیا، اپوزیشن لیڈر عمر ایوب اجلاس کی صدارت کریں گے۔
ذرائع کے مطابق اجلاس میں بجٹ منظوری سے متعلق حکمت عملی مرتب کی جائے گی، سنی اتحاد کونسل کے تمام اراکین کو اجلاس میں شرکت یقینی بنانے کی ہدایت کی گئی ہے۔
