لاہور:( دنیا نیوز) گورنر پنجاب سردار سلیم حیدر چیئرمین دنیا میڈیا گروپ میاں عامر محمود کی خوش دامن کے انتقال پر تعزیت کے لئے ان کے گھر گئے۔
گورنر پنجاب نے میاں عامر محمود اور دیگر اہل خانہ سے تعزیت کا اظہار کیا اور مرحومہ کے ایصال ثواب کے لئے فاتحہ خوانی کی۔
سردار سلیم حیدر نے میاں عامر محمود سے گفتگو کرتے ہوئے کہا کہ آپ کی خوش دامن کے انتقال کی خبر سن کر دلی افسوس ہوا، مرحومہ کے انتقال کا صدمہ بہت گہرا ہے، اللہ تعالیٰ آپ کو صبر دے۔
انہوں نے مزید کہا کہ دکھ کی اس گھڑی میں لواحقین کے غم میں برابر کے شریک ہیں، اللہ تعالیٰ مرحومہ کو اپنے جوار رحمت میں اعلیٰ مقام اور لواحقین کو صبر جمیل عطا فرمائے۔
