اسلام آباد: (دنیا نیوز) وفاقی حکومت نے چیف سیکرٹری خیبرپختونخوا ندیم اسلم چوہدری کو تبدیل کرکے شہاب علی شاہ کو تعینات کردیا ۔
شہاب علی شاہ حال ہی میں بلوجستان میں خدمات انجام دے رہے تھے، گریڈ 21 کے شہاب علی شاہ اس سے پہلے بھی خیبر پختونخوا میں ایڈیشنل چیف سیکرٹری پی اینڈ ڈی، کمشنر پشاور اور پرنسپل سیکرٹری ٹو وزیراعلیٰ خیبر پختونخوا رہ چکے ہیں۔
اسٹیبلشمنٹ ڈویژن کی جانب سے جاری نوٹیفکیشن کے مطابق سیکرٹری سرمایہ کاری بورڈ رحیم حیات قریشی کو عہدے سے ہٹا دیا گیا، رحیم حیات قریشی کو اسٹیبلشمنٹ ڈویژن رپورٹ کرنے کی ہدایت کی گئی۔
