کراچی: (ویب ڈیسک) شہر قائد میں ٹریفک حادثات میں دو افراد زندگیاں گنوا بیٹھے۔
پہلا حادثہ کورنگی گودام چورنگی سوئی گیس آفس کے قریب پیش آیا، ریسکیو حکام کا کہنا ہے کہ متوفی موٹر سائیکل پر سوار تھا جبکہ حادثہ ٹریلر کی ٹکر سے پیش آنے کا بتایا جا رہا جس کا ڈرائیور موقع سے ٹریلر سمیت فرار ہوگیا پولیس واقعہ کی مزید تحقیقات کر رہی ہے۔
دوسرا حادثہ کورنگی سنگر چورنگی الحسن سٹاپ کے قریب دو موٹر سائیکلوں کے درمیان تصادم کے نتیجے میں پیش آیا ہے جبکہ فوری طور متوفی شناخت نہیں ہو سکی جس کی عمر 50 سال کے قریب بتائی جاتی ہے۔
امدادی ٹیموں نے زخمی ہونے والے نوجوان 24 سالہ ناصر کو طبی امداد کیلئے ہسپتال منتقل کر دیا، پولیس نے حادثے کی تحقیقات شروع کردی۔
