کراچی: (دنیا نیوز) شہر قائد میں دو موٹر سائیکلوں میں تصادم سے 2 افراد جاں بحق ہوگئے۔
حادثہ شاہراہ فیصل پر فاران ہوٹل کے قریب پیش آیا، ریسکیو ذرائع کے مطابق جاں بحق ہونے والے افراد میں سے ایک کی شناخت شکیل حیدر کے نام سے ہوئی ہے جبکہ دوسرے کی شناخت تاحال نہیں ہو سکی۔
حادثے کی اطلاع پر پولیس کی بھاری نفری بھی موقع پر پہنچ گئی، دونوں افراد کی لاشوں کو فوری طور پر ہسپتال منتقل کر دیا گیا، پولیس نے واقعہ کی تحقیقات شروع کردی۔
