اسلام آباد:(دنیا نیوز) سینیٹ کا اجلاس آج (بروز جمعرات) صبح ساڑھے گیارہ بجے طلب کرلیا گیا۔
سینیٹ اجلاس میں معمول کی قانون سازی کی جائے گی، سینیٹ اجلاس کا 14 نکاتی ایجنڈا جاری کردیا گیا، سینیٹ میں 3 حکومتی بلز منظوری کےلئے پیش ہوں گے۔
آرٹیکل 106 میں ترمیم سے متعلق آئینی ترمیمی بل 2024 اوربلوچستان کے زرعی ٹیوب ویلز کی سولرائزیشن پر رپورٹ پیش ہوگی جبکہ ٹیکسٹائل برآمدات میں کمی پر قائمہ کمیٹی کی رپورٹ اجلاس کا حصہ ہے ۔
اسی طرح سپیشل ٹیکنالوجی زونز اتھارٹی ترمیمی بل 2025 اور سول کورٹس ترمیمی بل 2025 سینیٹ میں منظوری کےلئے پیش کئے جائیں گے۔
علاوہ ازیں پاکستان کوسٹ گارڈز ترمیمی بل 2025 منظوری کےلئے پیش ہوگا اور ملک میں ایچ آئی وی کیسز میں اضافے، بلوچستان میں مسافروں کے قتل پر توجہ دلاؤ نوٹسز بھی پیش ہوں گے۔
واضح رہے چیئرمین سینیٹ نے سینیٹر اعجاز چودھری کے پروڈکشن آڈرز پر عملدرآمد نہ ہونے کی وجہ سے اجلاس کی صدارت کا بائیکاٹ کررکھا ہے۔
