اسلام آباد :(دنیا نیوز) سربراہ عوام پاکستان پارٹی شاہد خاقان عباسی نے کہا ہے کہ اپوزیشن دل بڑا کرے اور اے پی سی میں اپنی ٹیم بھیجے۔
پروگرام’’ٹونائٹ ود ثمر عباس‘‘میں گفتگو کرتے ہوئے شاہد خاقان عباسی کا کہنا تھا کہ خواہش تو ہے کہ اپوزیشن کی جماعتیں اکٹھی ہوں، حکومت خود بانی پی ٹی آئی کو پیرول پر رہا کرے۔
انہوں نے کہا کہ سڑکیں گرم کرنے سے مسئلے حل نہیں ہوں گے، حکومت کچھ نہیں کر رہی تو اپوزیشن اپنا دل بڑا کرےاور اے پی سی میں اپنی ٹیم بھیجے، دوصوبوں میں بڑی سطح پر دہشتگردی جاری ہے۔
سربراہ عوام پاکستان پارٹی کا کہنا تھا کہ پی ٹی آئی کے وزیراعلیٰ مولانا فضل الرحمان کے خلاف بیانات دیتے ہیں، پی ٹی آئی کی ذمہ داری ہے دوسری جماعتوں کےتحفظات دورکرے۔
شاہد خاقان عباسی نے مزید کہا کہ دوسری جماعتوں کو پی ٹی آئی کےرویے پر اعتراض ہے، تحریک سڑک سے شروع نہیں ہوتی۔
