راولپنڈی: (دنیا نیوز) سربراہ عوامی مسلم لیگ اور سابق وفاقی وزیر شیخ رشید احمد نے کہا ہے کہ ہمارے عظیم جوانوں اور پاک فضائیہ نے بھارت کے دانت کھٹے کر دیئے۔
سوشل میڈیا پلیٹ فارم پر جاری اپنے بیان میں شیخ رشید کا کہنا تھا کہ پاکستانی قوم کو اپنی افواج پر فخر ہے، رافیل 5 ہوں یا 6 ان کو زمین بوس کیا گیا ہے، یہ ہمارے جوانوں اور فضائیہ کی صلاحیتوں کا منہ بولتا ثبوت ہے۔
انہوں نے کہا کہ قوم پاکستان کے لئے کسی بھی قربانی دینے سے دریغ نہیں کرے گی۔
سابق وفاقی وزیر کا کہنا تھا کہ پاکستان کیلئے زندہ ہیں اور پاکستان کیلئے مریں گے، بھارت کو ایسا سبق سکھائیں گے کہ اس کی نسلیں یاد رکھیں گی۔
