اسلام آباد: (دنیا نیوز) کشمیری حریت رہنما یاسین ملک کی اہلیہ مشعال ملک نے کہا کہ بھارتی جارحیت انسانیت کے خلاف جرم ہے، بھارت خطے کے امن کو آگ میں جھونک رہا ہے۔
مشعال ملک کا کہنا تھا کہ یاسین ملک سمیت ہزاروں کشمیری قائدین بھارتی جیلوں میں سسک رہے ہیں، اقوام متحدہ بھارتی بمباری کا نوٹس لے، سخت اقدام کرے۔
انہوں نے کہا کہ پاکستانی قوم متحد ہے، افواج کے ساتھ کھڑی ہے، پاکستان ایٹمی طاقت ہے، بھارت کو بھرپور جواب ملے گا۔
مشعال ملک کا کہنا تھا کہ بھارت کو ہر محاذ پر شکست دینا وقت کی ضرورت ہے، کشمیری عوام اور پاکستانی قوم دشمن کے خلاف یکجا ہیں۔
