محسن نقوی سے امریکا کی قائم مقام سفیر کی ملاقات، موجودہ صورتحال پر تبادلہ خیال

اسلام آباد: (دنیا نیوز) وفاقی وزیرداخلہ محسن نقوی سے امریکا کی قائم مقام سفیر نیٹلی بیکر کی ملاقات ہوئی۔

امریکا کے پولیٹیکل قونصلر زیک ہارکن رائیڈر اور وزیر مملکت داخلہ طلال چودھری بھی اس موقع پر موجود تھے، ملاقات میں بھارت کے حملے کے بعد پیدا ہونے والی صورتحال پر تبادلہ خیال کیا گیا۔

وفاقی وزیرداخلہ محسن نقوی نے قائم مقام امریکی سفیر کو بھارتی حملے سے پیدا ہونے والی صورتحال کے بارے بریف کیا۔

محسن نقوی نے کہا کہ بھارت نے جنوبی ایشیا کے امن کو داؤ پر لگا دیا ہے، بھارت نے علاقائی امن کو تار تار کیا ہے، بھارت نے شہریوں کو نشانہ بنا کر بین الاقوامی قوانین کو پامال کیا۔

وفاقی وزیر داخلہ نے کہا کہ پاکستان نے دفاع وطن کے لئے دشمن کو بھرپور جواب دیا، پاکستان انتہائی تحمل کا مظاہرہ کیا لیکن ہم اپنی سلامتی پر آنچ نہیں آنے دیں گے۔

محسن نقوی نے کہا کہ بھارت کے خطرناک عزائم سے پہلے ہی دوست ممالک کو آگاہ کر دیا تھا۔