اسلام آباد:(دنیا نیوز) وزیر اعظم شہباز شریف نے کہا کہ ٹرمپ کی قیادت میں پاکستان کو ایک عظیم شراکت دار ملا ہے۔
سماجی رابطے ویب سائٹ ’ایکس‘پر پیغام دیتے ہوئے شہبازشریف نے لکھا کہ امریکی صدر ٹرمپ کی پیشکش کا خیر مقدم کرتے ہیں،پاکستان اور امریکا کئی دہائیوں سے قریبی شراکت دار ہیں،پاکستان اور امریکا نے دنیا میں امن و سلامتی کے فروغ کیلئے مل کر کام کیا ہے۔
I am extremely grateful to President Trump for his pathbreaking leadership and commitment to global peace and for his most valuable offer to play a greater role in bringing lasting peace to South Asia.
— Shehbaz Sharif (@CMShehbaz) May 11, 2025
For decades, Pakistan and the U.S. have been partners who worked together…
ان کا کہنا تھا کہ یقین ہے صدر ٹرمپ کی قیادت میں پاکستان کو ایک عظیم شراکت دار ملا ہے،امریکی صدر کی قیادت میں پاکستا ن اور امریکا کے تعلقات مضبوط ہوں گے، دونوں ملکوں کے درمیان اسٹریٹجک شراکت داری کو نئی جہت ملے گی۔
وزیراعظم نے مزید کہا کہ تجارت ،سرمایہ کاری سمیت دیگر شعبوں میں تعلقات مزید مضبوط ہوں گے، شہباز شریف نے عالمی امن کیلئے امریکی صدر ڈونلڈ ٹرمپ کے کردار کی تعریف کی۔
