کامرہ: (دنیا نیوز) وزیراعظم شہباز شریف نے کہا کہ پاک فضائیہ کے شاہینوں نے دشمن کے 5 نہیں 6 جہاز مار گرائے، رافیل گرنے کو مودی قیامت تک یاد رکھے گا۔
پاک فضائیہ کے شاہیوں سے خطاب کرتے ہوئے وزیراعظم شہباز شریف نے کہا کہ بھارت کی جارحیت کے خلاف شاندار فتح حاصل کرنے پر مسلح افواج کو مبارک باد پیش کرتے ہیں، بھارت کا جنگی جنون کا بخار اتر چکا اب امن کی بات کرو۔
.jpg)
وزیراعظم شہباز شریف نے کہا کہ ابھی میں قوم کی عظیم ماؤں کے عظیم بیٹوں سے مل کر آیا ہوں جنہوں نے اس مختصر جنگ میں دشمن کے ناصرف دانت توڑے بلکہ اس کے گھمنڈ اور غرور کو بھی اعلیٰ ترین پیشہ ورانہ مہارت اور دلیری کے ساتھ خاک میں ملایا۔
یہ بھی پڑھیں: ملکی سلامتی و خودمختاری کی خلاف ورزی پر ہمارا جواب بے رحمانہ ہوگا: ترجمان پاک فوج
شہباز شریف نے کہا کہ 6 مئی سے لے کر 10 مئی کے جو دن گزرے ہیں اور 10 مئی کو اختتام سے پہلے پوری دنیا کو آپ نے اپنی اعلیٰ ترین مہارت سے ورطہ حیرت میں ڈال دیا۔
وزیراعظم کا کہنا تھا کہ آپ نے دشمنوں کے چاروں طبق روشن کر دیئے اور دوستوں اور بہی خواہوں کے اعتماد کو آسمان تک پہنچا دیا، پاکستان کی تاریخ میں اس سے شاندار فتح پہلے ہمیں کبھی نصیب نہیں ہوئی۔
.jpg)
شہباز شریف نے کہا کہ اس شاندار فتح سے نہ صرف دنیا کی سوچ تبدیل کردیا بلکہ خطے اور پوری دنیا میں توازن کو تبدیل کر دیا ہے، اس سے بڑی اللہ تعالیٰ کی ہم پر مہربانی کوئی نہیں ہوسکتی، پاک فوج کی اس شاندار کامیابی پر ہم سب کی گردنیں اللہ کے حضور جھکی ہوئی ہیں۔
وزیراعظم نے کہا کہ ہم نے دشمن کو پیغام دیا کہ دوبارہ ہمارے وطن کی طرف میلی آنکھ سے دیکھا تو اس کو پاؤں تلے روند دیں گے۔
یہ بھی پڑھیں: آپریشن بنیان مرصوص کی شاندار کامیابی پر یوم تشکر منانے کا اعلان
شہباز شریف نے کہا کہ جنہوں نے فرنٹ سے لیڈ کیا، ان میں سپہ سالار جنرل عاصم منیر کو مبارک پیش کرتا ہوں، ایئرچیف بابر سدھو اور نیول چیف کو مبارک پیش کرتا ہوں کہ 10 مئی کو پوری دنیا میں ایک گونج اٹھی کہ یہ جنگ پاکستان نے اپنی تکنیکی مہارت سے جیتی ہے۔
انہوں نے مزید کہا کہ میں قوم کو بتانا چاہتا ہوں کہ شاہینوں نے دشمن کے 5 نہیں 6 جہاز مار گرائے ہیں اور پریزینٹیشن میں بتایا گیا کہ 3 رافیل گرائے گئے ہیں، جے ایف 17 سے جس طرح 3 رافیل کو نشانہ بنایا اسے مودی اور دنیا قیامت تک یاد رکھے گی۔
.jpg)
