اسلام آباد: (دنیا نیوز) سپریم کورٹ میں الیکشن کیسز، جسٹس امین الدین کی سربراہی میں تین رکنی بینچ کل مختلف الیکشن کیسز پر سماعت کرے گا۔
تین رکنی بینچ میں جسٹس نعیم اختر افغان اور جسٹس گل حسن اورنگزیب شامل ہوں گے، عقیل اسلم کی پی پی 182 الیکشن دھاندلی کیس سے متعلق دائر درخواست پر سماعت کل ہو گی۔
محمدرفیق اورعلی عمران کی حلقہ بندیوں سے متعلق تنازع پر الگ الگ درخواستوں پر سماعت ہوگی، سربلند خان اور صالح بھوتانی کی ووٹوں کی دوبارہ گنتی سے متعلق الگ الگ درخواستوں پر سماعت ہوگی۔
غضنفر رسول اور میجر ریٹائرڈ فیصل عزیز کی کاغذاتِ نامزدگی کی نامنظوری کے خلاف الگ الگ درخواستوں پر سماعت ہوگی، ملک اشرف خان نے فارم 47 کے تحت انتخابی نتائج کو چیلنج کر رکھا ہے۔
محمد شہباز کی دوہری شہریت سے متعلق انتخابی تنازع پر دائر درخواست پر بھی سماعت کل ہوگی، انتخابات سے متعلق مجموعی طور پر 10 درخواستوں پر سماعت کل 9 بجے ہو گی۔
