سکھر: (دنیا نیوز) صالح پٹ کے علاقے میں نارا کینال سے مگر مچھ نے خاتون پر حملہ کر دیا۔
متاثرہ خاتون کے شوہر حب علی نے بتایا کہ مگر مچھ نے 30 سالہ بیوی پر حملہ کیا اور گھسیٹ کر کینال میں لے گیا، میں نے فوری طور پر کینال میں چھلانگ لگا دی۔
شوہر حب علی نے بتایا کہ بیوی کو زخمی اور بے ہوش حالت میں بچایا اور قریبی ہسپتال طبی امداد کے لیے پہنچا دیا ہے۔
متاثرہ خاتون کے شوہر نے کہا کہ مگر مچھ ابھی بھی کنارے پر موجود ہے، علاقے میں شدید خوف ہراس پھیلا ہوا ہے، محکمہ وائلڈ لائف رابطہ کرنے کے باوجود نہیں پہنچا۔
