لاہور: (دنیا نیوز) جناح ہسپتال لاہور سے ایک کروڑ سے زائد کا سامان غائب ہوگیا۔
ذرائع کے مطابق ہسپتال سے قیمتی سامان غائب ہونے کے معاملے پر محکمہ سپیشلائزڈ ہیلتھ کیئر نے ڈاکٹر شبیر حسین کو شوکاز جاری کردیا، 3 رکنی تحقیقاتی کمیٹی کی رپورٹ میں ڈاکٹر شبیر پر بدعنوانی کے شواہد سامنے آئے ہیں۔
شوکاز میں کہا گیا ہے کہ غائب اشیاء میں آپریشن تھیٹر ٹیبلز، بیڈز، اے سی، وہیل چیئرز اور فرنیچر شامل ہے، اس سامان کی مالیت ایک کروڑ 21 لاکھ روپے سے زائد ہے۔
اس کے علاوہ شوکاز میں مزید کہا گیا ہے کہ طبی سامان جان بوجھ کر غائب کیا گیا، مقررہ وقت میں وضاحت نہ دینے پر محکمہ صحت کارروائی کرے گا۔
