بونیر: (دنیا نیوز) پاک فوج اور فرنٹیئر کور نارتھ کی جانب سے بونیر، شانگلہ اور سوات کے مختلف علاقوں میں ریسکیو آپریشن سنبھال لیا ہے۔
آرمی چیف کی ہدایات کے مطابق پاک فوج کے مزید دستوں نے مختلف پر پہنچ کے کام سنبھال لیا، کور آف انجینئرز کے دستوں نے بھی سازو سامان سمیت اپنا کام شروع کر دیا، موسم کی خرابی کے باوجود پاک فوج کے ہیلی کاپٹر ریسکیو مشن میں مصروف ہیں۔
پاک فوج کے ایک دن کے راشن کی اشیاء کو بھی ضرورت مند افراد تک پہنچایا جا رہا ہے، پاک فوج کے ڈاکٹروں نے متاثرہ علاقوں میں میڈیکل کیمپ بھی لگا لیا ہے جہاں پر مفت ادویات تقسیم کی جا رہی ہیں۔
بونیر کے گاؤں چوراک میں پاک فوج کے دستے ریسکیو آپریشن میں مصروف ہیں، آدم خیل میں تباہ شدہ مکانات کے ملبے تلے دبنے والے افراد کی بحالی کا سلسلہ جاری ہے، تمام متاثرہ افراد کو بحفاظت ریسکیو کرنے اور محفوظ مقامات پر منتقل کرنے تک آپریشن جاری رہے گا۔
پاک فوج کی جانب سے متاثرہ خاندانوں کو ضروری اشیاء کی فراہمی بھی کی گئی، جن میں میں راشن اور بستر شامل ہیں، پاک فوج کی جانب سے متاثرہ افراد کے لیے ہر ممکن اقدامات کیے جا رہے ہیں۔
