جہلم:(دنیا نیوز) پنجاب کے ضلع جہلم م میں مذہبی سکالر انجینئر محمد علی مرزا کے خلاف مقدمہ درج کر لیا گیا۔
پولیس کے مطابق محمد علی مرزا کے خلاف شہری عمیر کی درخواست پر تھانہ سٹی میں مقدمہ درج کیا گیا، ملزم کے خلاف پیکا ایکٹ اور 295 سی کے تحت مقدمہ درج کیا گیا۔
خیال رہے کہ گزشتہ روز انجینئر محمد علی کو تھری ایم پی او کے تحت حراست میں لیا گیا تھا اور ان کو جیل میں نظربند کیا گیا تھا۔
پولیس کا مزید کہنا ہے کہ محمد علی مرزا کی اکیڈمی کوناخوشگوار واقع سے بچنے کےلیے سیل کر دیا گیا ہے اور اکیڈمی اور گھر کے باہر پولیس کی بھاری نفری تعینات ہے۔
