کراچی: (دنیا نیوز) سندھ کے صوبائی رین اینڈ فلڈ ایمرجنسی مانیٹرنگ سیل کی جانب سے دریاؤں اور بیراجوں میں پانی کی آمد و اخراج کے تازہ اعداد و شمار جاری کر دیئے۔
محکمہ آبپاشی سندھ کے مطابق گڈو بیراج پر اپ سٹریم میں پانی کی آمد 3 لاکھ 26 ہزار 242 کیوسک ریکارڈ کی گئی جبکہ ڈاؤن سٹریم میں پانی کا اخراج 3 لاکھ 11 ہزار 981 کیوسک ریکارڈ کیا گیا۔
سکھر بیراج پر اپ سٹریم میں پانی کی آمد 2 لاکھ 85 ہزار 487 کیوسک جبکہ ڈاؤن سٹریم میں پانی کا اخراج 2 لاکھ 34 ہزار 717 کیوسک ہے۔
کوٹری بیراج پر اپ سٹریم میں پانی کی آمد 2 لاکھ 73 ہزار 844 کیوسک اور ڈاؤن سٹریم میں اخراج 2 لاکھ 44 ہزار 739 کیوسک ریکارڈ کیا گیا۔
حکام کا کہنا ہے کہ صورتحال پر مکمل نظر رکھی جا رہی ہے اور متعلقہ ادارے ہر ممکن اقدامات کے لیے تیار ہیں۔
