اسلام آباد: (دنیا نیوز) سپریم کورٹ نے خیبر پختونخوا میں گندم کی 30 ہزار بوریاں چوری ہونے کے سکینڈل میں ملزم اسسٹنٹ فوڈ کنٹرولر خالد خان کی ضمانت مسترد کر دی۔
سپریم کورٹ کے جسٹس حسن اظہر رضوی کی سربراہی میں 2 رکنی بنچ نے کیس کی سماعت کی۔
ایڈیشنل ایڈوکیٹ جنرل خیبرپختونخوا نے مؤقف اپنایا کہ ملزمان پر 19 کروڑ 77 لاکھ 52 ہزار کا کے پی خزانے کو نقصان پہنچانے کا الزام ہے، کیس میں شریک دیگر ملزمان کی ضمانت بھی مسترد ہو چکی ہے۔
ایڈیشل ایڈوکیٹ جنرل کے پی نے استدلال کیا کہ کیس کا چلان جمع ہو چکا ہے، اینٹی کرپشن نوشہرہ میں کیس زیر سماعت ہے۔
جس پر عدالت نے خیبرپختونخوا میں سکینڈل میں ملزم اسسٹنٹ فوڈ کنٹرولر خالد خان کی ضمانت مسترد کر دی۔
