اسلام آباد: (دنیا نیوز) سپریم کورٹ آف پاکستان نے ڈکیتی کے ملزم شہاب الدین کی درخواست ضمانت خارج کردی۔
جسٹس حسن رضوی کی سربراہی میں سپریم کورٹ کے 2 رکنی بنچ نے کیس کی سماعت کی، وکیل نے کہا ہے کہ ملزم پر دو لاکھ ریال کی ڈکیتی کا الزام ہے، دو گواہوں نے ملزم کو شناخت کرنے سے انکار کیا۔
جسٹس حسن رضوی نے کہا ہے کہ ملزم سے دو لاکھ کی ڈکیتی سے 80 ہزار ریال ریکور ہو گئے، ڈکیتی کا شکار بندہ تو ڈکیتوں کے سامنے سر نہیں اٹھاتا، اس کو اپنی جان کی فکر ہوتی ہے۔
جسٹس شہزاد ملک نے کہا ہے کہ مدعی کی ملزم کیساتھ کوئی دشمنی نہیں، دشمنی ہوتی تو ایف آئی آر میں نامزد کرتا۔
بعدازاں سپریم کورٹ آف پاکستان نے ڈکیتی کے ملزم شہاب الدین کی درخواست ضمانت خارج کردی۔
