لاہور: (دنیا نیوز) وزیر دفاع خواجہ محمد آصف نے نئے صوبے بنانے کو خوش آئند قرار دے دیا۔
دنیا نیوز سے گفتگو کرتے ہوئے وزیر دفاع خواجہ آصف کا کہنا تھا کہ سارے مُلک میں صوبے بنانے پر بحث ہو رہی ہے جو اچھی بات ہے، ساری دُنیا صوبے بناتی ہے ہمارے مُلک میں بن جائیں گے تو کوئی مضائقہ نہیں ہے۔
وزیر دفاع نے کہا کہ سیلاب کا خدشہ ہر سال ہو گا، بڑے ڈیم بنانے میں کم سے کم سات سال لگیں گے، ہمیں چھوٹے ڈیم بنانے چاہئیں جو جلدی مکمل ہوں گے اور زیادہ علاقہ کور کریں۔
خواجہ آصف نے کہا کہ واٹر سٹوریج ساری دُنیا میں بنائی جاتی ہے، بارانی علاقوں میں جہاں بارشیں آتی ہیں وہاں ڈیم بنانے چاہئیں، سیالکوٹ میں بنانے چاہئیں۔
