اسلام آباد:(دنیا نیوز)وفاقی وزیر دفاع خواجہ آصف نے کہا ہے کہ تحریک انصاف والے عوامی اعتماد نہیں ، سرکاری مشینری سے الیکشن جیتنا چاہتے ہیں۔
سماجی رابطے کی ویب سائٹس ’ایکس‘پر اپنے ایک بیان میں خواجہ آصف کا کہنا تھا کہ خیبر پختونخوا میں الیکشن لڑنے کو تیار ہیں، کیوں کہ اپنی حکومت ہے، اپنی مرضی کا نتیجہ نکال سکتے ہیں، پنجاب میں الیکشن سے راہِ فرار ہے، کیوں کہ وہاں عوام کی طاقت سے شکست یقینی ہے۔
— Khawaja M. Asif (@KhawajaMAsif) August 26, 2025
انہوں نے تنقید کے نشتر چلاتے ہوئے کہا ہے کہ جہاں کرسی اور حکومت ہو، وہاں الیکشن شوق سے، جہاں عوام کا فیصلہ ہو، وہاں بائیکاٹ، خیبر پختونخوا میں دھاندلی کے سہارے کھڑے، پنجاب میں عوامی فیصلہ سہنے کی ہمت نہیں۔
وفاقی وزیر دفاع کا کہنا تھا کہ یہ الیکشن نہیں، اپنی مرضی کا کھیل ہے، جہاں جیت کا یقین، وہاں مقابلہ، جہاں ہار یقینی، وہاں بائیکاٹ، یہ عوامی اعتماد سے نہیں، سرکاری مشینری سے الیکشن جیتنے کے خواہش مند۔
خواجہ آصف کا مزید کہنا تھا کہ پنجاب میں شکست کا ڈر، خیبر پختونخوا میں دھاندلی کا سہارا ہے ،یہ ہے اصل سیاستِ تحریک انصاف کی، ’ٹوٹل دو نمبری‘۔
