اسلام آباد: (دنیا نیوز) وزیراعظم محمد شہباز شریف سے وزیر دفاع خواجہ محمد آصف کی ملاقات ہوئی جس میں سیاسی و وزارتی امور پر تبادلہ خیال کیا گیا۔
وزیراعظم شہباز شریف نے برطانیہ کی جانب سے پاکستانی پروازوں پر عائد پابندی کے خاتمے پر وزیر دفاع خواجہ آصف کو مبارک باد دی اور ایوی ایش ڈویژن کی پزیرائی کی۔
شہباز شریف نے وزیر دفاع اور ان کی ٹیم کی کاوشوں کو سراہا اور کہا کہ برطانیہ کے لئے پاکستانی پروازوں کا دوبارہ آغاز پاکستان کے لئے انتہائی اہم سنگ میل ہے۔
وزیراعظم نے کہا کہ ماضی میں پاکستان تحریک انصاف کے رہنماؤں کے غیر ذمہ دارانہ بیانات کی وجہ سے پاکستانی پروازوں پر پابندیاں لگیں اور ملکی ساکھ کو نقصان پہنچا۔
شہباز شریف نے کہا کہ پروازوں پر پابندی کے خاتمہ سے برطانیہ میں مقیم پاکستانیوں کے لئے سفری سہولت میں اضافہ ہوگا اور سیاحت کو بھی فروغ ملے گا۔
