لاہور:(دنیا نیوز)سینئر صوبائی وزیر مریم اورنگزیب نے کہا ہے کہ سیلاب متاثرہ علاقوں میں ہمارا فوکس انسانی جانوں کوبچانا ہے۔
دنیا نیوز کے پروگرام ’بات نکلےگی‘میں گفتگو کرتے ہوئے مریم اورنگزیب کا کہنا تھا کہ بروقت امدادی کارروائیوں سےلاکھوں لوگ کوبچایا گیا، تمام ادارے مل کرریسکیوکا کام کر رہے ہیں۔
انہوں نے کہا کہ حکومت اور مقامی انتظامیہ کے تعاون سے متاثرین کو کھانا اور ٹینٹ فراہم کیے جا رہے ہیں، سیلاب میں پھنسے لوگوں کو ہیلی کاپٹر کے ذریعے کھانا پہنچایا جارہا ہے۔
سینئر صوبائی وزیر کا مزید کہنا تھا کہ بند ٹوٹنے کی وجہ سے بستیوں میں پانی آیا، ہمارا فوکس انسانی جانوں کوبچانا ہے۔
