اسلام آباد: (دنیا نیوز) اسلام آباد ہائی کورٹ نے سابق چیف جسٹس پاکستان ثاقب نثار کی مبینہ آڈیو لیک کے معاملے پر کمیشن تشکیل دینے کی درخواست عدم پیروی کی بنیاد پر خارج کر دی۔
کیس کی سماعت کے دوران جب معاملہ کال ہوا تو درخواست گزار کی جانب سے کوئی پیش نہ ہوا جس پر جسٹس محمد آصف نے درخواست خارج کرنے کا حکم جاری کر دیا۔
واضح رہے کہ 2021 میں سابق چیف جسٹس ثاقب نثار کی ایک مبینہ آڈیو سامنے آئی تھی جس میں انہیں پانامہ کیس کے فیصلے سے متعلق مبینہ ہدایات دیتے ہوئے سنا گیا تھا، اس آڈیو کے بعد کمیشن بنانے کی درخواست دائر کی گئی تھی تاکہ اس کی حقیقت سامنے آ سکے۔
