اسلام آباد: (دنیا نیوز) پاکستان مسلم لیگ ن کے مرکزی نائب صدر خرم دستگیر خان نے کہا کہ سعودی عرب نے اس معاہدے سے اسرائیل کو اور پاکستان نے ہندوستان کو پیغام دیا۔
پاکستان مسلم لیگ ن کے مرکزی نائب صدر خرم دستگیر خان نے پروگرام ’دنیا مہر بخاری کے ساتھ‘ میں گفتگو کرتے ہوئے کہا کہ پاک سعودی دفاعی معاہدے کی دستاویزات میں سٹریٹجک شیلڈ اور نیوکلیئر کا ذکر ہے۔
خرم دستگیر نے کہاکہ پاک سعودی معاہدے پر بہت عرصے سے کام ہو رہا تھا لیکن قطر پر حملے کے بعد سعودی عرب کو احساس ہوا ہے کہ مشرق وسطیٰ میں صرف اسرائیل کے پاس جوہری ہتھیار نہیں ہونے چاہئیں۔
