اسلام آباد: (دنیا نیوز) صدر مملکت آصف علی زرداری سے آڈیٹر جنرل آف پاکستان مقبول احمد گوندل کی ایوانِ صدر میں ملاقات ہوئی۔
صدر مملکت نے مالی شفافیت، احتساب اور گڈ گورننس کے فروغ میں آڈیٹر جنرل کے کردار کو سراہا اور کہا کہ آڈیٹر جنرل کا آئینی کردار ملکی مالی نظم و ضبط کو مستحکم کرنے میں بنیادی حیثیت رکھتا ہے۔
آصف علی زرداری کا کہنا تھا کہ آڈیٹر جنرل کے ادارے مالی وسائل کے مؤثر استعمال اور نظام کی بہتری میں اہم کردار ہے۔
صدر مملکت نے ہدایت کی کہ محکمہ اندرونی اصلاحات اور کارکردگی میں بہتری کے لیے متعلقہ اداروں کے ساتھ قریبی تعاون جاری رکھے۔
آصف علی زرداری نے زور دیا کہ آڈٹ رپورٹس پر مؤثر عمل درآمد اور بروقت اصلاحی اقدامات سے کرپشن اور مالی بے ضابطگیاں کم کی جا سکتی ہیں۔
صدر مملکت نے کہا کہ عالمی بہترین طریقہ کار اور جدید ٹیکنالوجی، بشمول مصنوعی ذہانت، اپنانے سے شفافیت میں اضافہ ممکن ہے۔
آصف علی زرداری نے کہا کہ مالی شفافیت، مؤثر طرزِ حکمرانی اور پیشہ ورانہ دیانت کی ضرورت آج پہلے سے کہیں زیادہ ہے۔
صدر مملکت نے یقین ظاہر کیا کہ آڈیٹر جنرل کا دفتر قومی مفاد میں اعلیٰ معیار کے احتساب کو برقرار رکھے گا۔
